جائیداد کے تنازعہ میں ایک شخص کا گولی مار کر قتل

مظفرنگر، 4 ؍مئی(آئی این ایس انڈیا )
جائیدادکے تنازعہ کی وجہ سے 35سالہ ایک شخص کو اس کے بھائی اور تین مسلح حملہ آوروں نے مبینہ طور پر گولی مار کرہلاک کر دیا۔یہ واقعہ کھنجاہ پور گاؤں کا ہے۔پولیس نے آج بتایا کہ متاثرہ کی شناخت پردیپ کے طور پر کی گئی ہے جس کو کل جائیداد کے



تنازعہ میں اس کے بھائی سنجیو اور تین دیگر افراد نے گولی مار کر ہلاک کر دیا۔انہوں نے بتایا کہ پردیپ کے والد آزاد نے سنجیو اور اس کے ساتھیوں کے خلاف شکایت درج کرائی ہے ، جس کے بعد ملزمان کے خلاف ایف آئی آر درج کر لی گئی ہے ۔انہوں نے بتایا کہ مفرور ملزمان کو گرفتار کرنے کی کو شش کی جا رہی ہے ۔